Tembang dolanan

Tembang dolanan

Tembang dolanan yaiku jinis tembang reripta gagrak anyar sing ora nganggo paugeran guru gatra , guru lagu, guru wilangan, lan dhong dhing. Nanging, biasa ditembangaké déning bocah-bocah cilik, utamané ing padésan, sinambi dolanan bebarengan karo kanca-kancané lan bisa dibarengi wiramaning gendhing. Lumantar lagu dolanan, bocah-bocah dikenalaké bab sato kéwan, sato iwèn, thethukulan, tetanduran, bebrayan, lingkungan alam, lan sapanunggalané. Kadhangkala tembang dolanan uga ditembangaké déning waranggana jroning swasana tinamtu ing pagelaran wayang kulit.

Lagu-lagu  dolanan  ora namung lucu,  ananging uga didhik.  kayata  lagu  "Ilir-ilir",  Miturut  kapitadosane tiyang  Jawa,  lagu iki  diciptakna  Sunan  Bonang. Ning jerolagu iki ana makna falsafah urip  lan agama.

Ing ngisor iki pira-pira tembang dolanan:

            ILIR-ILIR

Lir ilir, lir ilir, tanduré wus sumilir

tak ijo royo-royo tak sengguh temantèn anyar

Cah angon, cah angon, pènèkna blimbing kuwi

Lunyu lunyu yo pènèken kanggo mbasuh dodotiro

dodotiro, dodotiro, kumitir bedhah ing pinggir

Dondomana j’rumatana kanggo séba mengko soré

mumpung padhang rembulané, mumpung jembar kalangané.

yo surako surak hiyo.

CUBLAK CUBLAK  SUWENG

Cublak cublak suweng

Suwenge ting gelèntèr

Mambu ketundhung gudèl

Pak empong lera-léré

Sapa ngguyu ndelikkaké

Sir sir pong dhelé gosong

Sir sir pong dhelé gosong

Pitik Tukung

Aku duwe pitik, pitik tukung

saben dina, tak pakani jagung

petok gogok petok petok ngendhog siji

tak teteske,kabeh trondhol dhol dhol

tanpa wulu,megal-megol gol gol gawe guyu

Jaranan

jaranan-jaranan… jarane jaran teji

sing numpak ndara bei

sing ngiring para mantri

jeg jeg nong..jeg jeg gung

prok prok turut lurung

gedebug krincing gedebug krincing

prok prok gedebug jedher

Kidang Talun

Kidang talun

mangan kacang, talun

mil kethemil, mil kethemil

si kidang mangan lembayung

Gajah belang

duwe anak, belang

nuk renggunuk, nuk renggunu

Te Kate Dipanah

Te kate dipanah

dipanah ngisor gelagah

ana manuk konde-onde

mbok sirbombbrok, mbok si kate

mbok sirbombbrok, mbok si kate

mbok sirbombbrok, mbok si kate

Gundhul Pacul

Gundhul gundhul pacul cul, gembèlengan

nyunggi nyunggi wakul kul, gembèlengan

wakul ngglimpang, segané dadi sak ratan

wakul ngglimpang, segané dadi sak ratan

Padhang Bulan

Yo prakanca dolanan ing njaba

Padhang mbulan padhangé kaya rina

Rembulané kang ngawé-awé

Ngélikaké aja turu soré-soré

Sumber

Tembang dolanan. Dimuat di jv. Wikipedia.org, diakses 15 Desember 2015.

Lagu tradisional anak-anak berbahasa jawa, Dimuat di lagu2 anak. Blogspot.co.id diakses 15 Desember 2015