Geguritan

  SEKAR ASIHMU

Ati iki tansah bungah

Yen kelingan marang sliramu

Sliramu sing ana ning njero atiku

Sliramu sing gawe ayeme atiku

Sumringah esem iki

Sansaya bungah

Sansaya kesensem

Yen Kelingan lakumu

Tekamu bakal tak tunggu

Asihmu tak jaga

Ati iki namung kanggo sliramu

Raga iki wis dadi ragamu 
  LINTANG WAYAH WENGI

Sepi wayah wengi iki

Tanpa kanca tanpa bala

Tanpa gunem tanpa wicara

Sepi iki gawe tangis ati

Kelingan sliramu sing tak tresnani

Kangen iki saya mbalela

Lintang wengi sing abyor kae

Nyekseni rasaning ati iki

Kanggo kowe sig tak anti-anti 
  KORAN BEKAS

Suwekan koran bekas kae

Wis padha dilalekke

Namung dianggep sampah masyarakat

Kaya-kaya wis ilang ajine

Ananging bedha

Yen kecekel tangan kang kreatif

Koran sing dibuwak mau

Ora namung dadi sampah lan bungkus bumbu

Ora namung dadi barang ora payu

Koran bekas tambah ajine

Dadi brang sing akeh diluru

Barang sing larang regane

Koran bekas rega emas 
  GODHONG SING TIBA

umur iki sansaya sudha

awak iki sansaya tua

daya iki ya ora sepira

yen dibandhingke ing jaman mudha

            urip iki namung ngenteni mati

            gari ngenteni panggilaning gusti

            mangsa mudha wis dirasakna

            saiki titiwancine dadi tua

ngenteni metune nyawa

urip iki kaya-kaya godhong tiba

umur wis pucuk akhir

ngenteni kena angin

yen wis tibo ora bisa balik

godhong tibo dadi saksi pasrahing ati

 KEKANCAN

Opo awakmu kelingan

Seprene awake dewe kekancan

Yahana yahene jan dadi cerito

Gumandengan ngliwati mangsa

Tangis dadi raharja

Duka dadi bahagya

            Nanging saiki kabeh wis ilang

            Ilang kagiles majune jaman

            Kayata sega dadi bubur

            Kabeh ajur, kabeh kabur

            Nanging ati iki tansah eleng

Luh iki tansah dleweran

Yen eleng marang sliramu

Sliramu sing dadi kancaku

Uga dadi kanca setya

Ora bakal tak lalekna, najan kowe wis ora ana