Budhaya Sambatan

Budhaya Sambatan ing desa Prawoto, kec.Sukolilo, kab. Pati

·        Budhaya sambatan

Desa Prawoto, kecamatan Sukolilo, Kabupaten Pati menika gadhahi budhaya ingkang taksih asring kalampahan ngantos samanten,  inggih menika “Budhaya Sambatan”.

Ingkang dipunwastani budhaya sambatan inggih menika sareng-sareng ngrewangi tangga teparo biyangun griya ingkah nembe dipundhamel, Sambatanipun wujudipun arupa keahlian ingkang dipungadhahi piyambak-piyambak, manawi tukang bangunan utawa batu inggih mbiyantu kaliyan tenaga, manawi ibu-ibu ingkang ahli masak uga mbiyantu masak kangge tiyang ingkang  mbiyantu wau.

·        Tatacara sambatan menika inggeh kados makaten:

-Ingkang gadhah panggawean menika uga sanjang marang tangga-tangganipun utawi seduluripun, yen wekdalipun sambatan sampon celak. Manawi ingkang sampon kalampahan wonten ing Desa Prawoto menika mboten usah sanjang mubeng, amargi sampon limprah menawi wonten tiyang ingkang mbangun griya mesti banjur biyantu sanajan mboten dipun sanjangi rumuyin.

-Menika ingkang gadhah griya ugi nyiapaken berkatan utawi sekul ingkang mangke dipunparengaken marang tiyang-tiyang ingkang nderek biyantu wau.

-Manawi badhe ngawontennaken sambatan menika ingkang biyangun griya wau uga kedhah ngucali dinten ingkang sae miturut itunganipun tiyang jawi, amerga supados mboten nekakaken balak(cilaka). Samenika ingkang kalampahan wonten ing Prawoto.

Kauntunganipun sambatan inggih menika:

1.    Wujudaken kerukunan antar warga, manawi salah satunggaling wonten ingkang kasusahan , ingkang sanes biyantu.

2.   Biyangun griyanpun uga boten usah nyewa tukang, amergi sampun dibantu marang tangga-tangga, kados boten nelasaken biaya kathah.

3.   Rampungipun uga luweh cepet amergi dipun dhamel sareng-sareng.

Sambatan menika sampun dados adat kebiyasaan ingkang kalampahan ing Desa Prawoto,  tradhisi samenika kedhah dipunjaga supados boten ical. Amerga majunipun jaman menika sampun gerus kabudayan asli saking jawa menika.